publicsocialmedia.in செய்தி இதழ் சார்பாக admin பத்திரிகையாளர் வீரராகவன் ஆகிய எனது கண்டனத்தை தெரிவித்துக் கொள்கிறேன். காரைக்குடியில் நடைபெற்ற தனியார் தொலைக்காட்சி நியூஸ் தமிழ் 24×7 விவாத நிகழ்ச்சியில் நிகழ்ந்த இந்த மிருகத்தனமான வன்முறைச் சம்பவம் தமிழகத்தை தலைகுனியச் செய்துள்ளது!

publicsocialmedia.in செய்தி இதழ் சார்பாக admin பத்திரிகையாளர் வீரராகவன் ஆகிய எனது கண்டனத்தை தெரிவித்துக் கொள்கிறேன்

காரைக்குடியில் நடைபெற்ற தனியார் தொலைக்காட்சி நியூஸ் தமிழ் 24×7 விவாத நிகழ்ச்சியில் நிகழ்ந்த இந்த மிருகத்தனமான வன்முறைச் சம்பவம் தமிழகத்தை தலைகுனியச் செய்துள்ளது.

நிகழ்ச்சியை நடத்திக் கொண்டிருந்த நெறியாளர் மீது திட்டமிட்டு நடத்தப்பட்ட கொலைவெறி தாக்குதல், அவரின் தலையை உடைத்து இரத்தம் சொட்டச் செய்த காட்சி — இது சாதாரண தாக்குதல் அல்ல; ஊடக சுதந்திரத்தையே நசுக்கும் அராஜகமான, மனிதநேயமற்ற செயல். இது ஜனநாயகத்தின் முகத்தில் கொடுக்கப்பட்ட வெளிப்படையான அறைந்தடியாகும்.

திருப்புவனம் பேரூராட்சி சேர்மனும் திமுக மாவட்டத் துணைச் செயலாளருமான சேங்கை மாறன் ஆதரவாளர்கள் மேற்கொண்டதாக கூறப்படும் இந்த வெறியாட்டம், அரசியல் பெயரில் ரவுடித்தனத்தை வெளிப்படுத்தியுள்ள மிகக் கீழ்த்தரமான செயல் ஆகும். கருத்து மோதலை வன்முறையாக மாற்றும் இத்தகைய செயல்கள் எந்த நாகரிக சமூகத்திலும் ஏற்றுக்கொள்ளப்பட முடியாது.

இந்த தாக்குதலில் நிகழ்ச்சியில் கலந்து கொண்ட அரசியல் பிரமுகர்கள் உள்ளிட்டோர் காயமடைந்ததோடு, பல லட்சம் ரூபாய் மதிப்பிலான ஊடக உபகரணங்கள் முற்றிலும் சேதப்படுத்தப்பட்டுள்ளன. ஒரு ஊடக விவாத மேடையே கலவரக் களமாக மாறி, நிகழ்ச்சி பாதியில் நிறுத்தப்பட வேண்டிய நிலை ஏற்பட்டது என்பது தமிழகத்திற்கு பெரும் அவமானமாகும்.

ஊடகங்கள் உண்மையை வெளிக்கொணரும் குரலாக இருக்க வேண்டும்; அந்த குரலை மௌனப்படுத்த ரவுடித்தனத்தை பயன்படுத்துவது என்பது ஜனநாயகத்திற்கு நேரடி அச்சுறுத்தல். இத்தகைய செயல்கள் இனி ஒருபோதும் சகித்துக்கொள்ளப்படமாட்டாது.

எனவே, இந்த அராஜக வன்முறையில் ஈடுபட்ட ஒவ்வொரு குற்றவாளியையும் உடனடியாக கைது செய்து, கடுமையான சட்ட நடவடிக்கை எடுக்க வேண்டும். மேலும், ஏற்பட்ட பொருள் சேதங்களை முழுமையாக கணக்கிட்டு, அதற்கான இழப்பீட்டை சம்பந்தப்பட்ட குற்றவாளிகளிடமிருந்து வசூலிக்க அரசும் காவல்துறையும் உடனடி நடவடிக்கை எடுக்க வேண்டும் என்று தமிழக பத்திரிகையாளர்கள் சங்கம் வலியுறுத்துகிறது.

செய்தியாளர்களின் பாதுகாப்பை உறுதி செய்ய தவறும் எந்த அதிகாரியும் பொறுப்பிலிருந்து தப்ப முடியாது என்பதையும் கடுமையாக எச்சரிக்கிறோம்.

 *இந்த மிருகத்தனமான, மனிதநேயமற்ற, ஜனநாயக விரோதச் செயலை நடத்திய மற்றும் ஈடுபட்டவர்கள் மீது உடனடி நடவடிக்கை எடுக்க வேண்டும் தமிழக காவல்துறை*